अंकलखोप ते कडेगाव निघणार संविधान सन्मान यात्रा

संविधानाच्या अमृत महोत्सव वर्षाचे औचित्य साधून अंकलखोप ते कडेगाव अशी संविधान सन्मान यात्रा निघणार आहे.७ ऑक्टोंबर रोजी सकाळी ८ वाजता डॉ.बाबासाहेब आंबेडकर स्मारक, अंकलखोप येथून सुरु होणाऱ्या या यात्रेचा समारोप दुसऱ्या दिवशी सायंकाळी ६ वाजता कडेगाव मधील डॉ .बाबासाहेब आंबेडकर चौकात होणार आहे.कडेगाव मध्ये येताना कडेपुर ते कडेगाव अशी मोटरसायकल रॅली देखील निघणार आहे.

 संविधानाचा जागर व जनजागृती करणे हा या यात्रेचा प्रमुख उद्देश असून गावातील मध्यवर्ती ठिकाणी व ग्रामपंचायतीसमोर संविधान रथाचे स्वागत होणार आहे.हा कार्यक्रम संविधान फाऊंडेशनच्या वतीने होत असून सर्व संविधानप्रेमी लोकांनी या संविधान सन्मान यात्रेत सहभागी व्हावे अस आव्हान फाऊंडेशनचे अध्यक्ष चेतन सावंत यांनी केले आहे.